Booliska ilaalada waddooyinka iyo Xafiiska Ganacsiga Iyo Gaadiidka DDS oo ka arrinsaday yaraynta saxmadda magaalada Jig-jiga.Kulankan ayay labada dhinaca iskaga xog-waraysanayeen caqabadaha gundhigga u ah cidhiidhiga waddooyinka iyo sidii loo dhimi lahaa dhinac walbana waajibaadkeeda gaar ahaaneed u qaadan lahaayeen.
Booliska ilaalada waddooyinka ayaa soo dhigay talo-bixinno la xidhiidha hannaanka loo hirgalin karo sharciga in marka hore la sameeyo caalamadihii waddooyinka.
Wasiir-ku-xigeenka Xafiiska Ganacsiga Iyo Gaadiidka DDS Marwo C/casiis ayaa sheegtay in gacanta lagu hayo samaynta laydhka hagista baabuurta, wakhti dhawna la samayn doono caalamadihii kale ee waddooyinka.
Gaashaanle-sare Cali Cabdi Jabbaar, ku-xigeenka Komishinka Booliska DDS ayaa sheegay in ku-shaqaynta sharciga waddooyinka ay bulshadu ilaaliyaan, ciddii xad-gudub samaysana wuxuu sharcigu u gooyo leedahay.
SRTV
