Madaxweynaha Jamhuuriyadda Somaliland Muuse Biixi Cabdi, ayaa wax ka beddelka xeerka Ururrada iyo axsaabta Siyaasadda dib ugu soo celiyey Golahaasi wakhtigii sharcigu ogolaanayey ee ahayd 21 maalmood oo ka bilaabmaysa maalinta Shirguddoonka Golaha Wakiilladu u gudbiyaan.Telefishanka Horyaal TV, ayaa helay oo baahiyey warqado la is weydaarsaday oo cadaynaya wakhtiga uu madaxweynuhu dib ugu soo celiyey Golaha Wakiillada iyo wakhtiga Golihii hore u gudbiyeen xeerka.
Shirguddoonkii hore ee Golaha Wakiillada ayaa Madaxweynaha u gudbiyey Xeerka Ururrada 29.06.2021, halka warqada madaxweynuhu u soo qoray Golaha ay ku taariikhaysan tahay 20.07.2021-kii.
Soo celinta Madaxweynaha oo ku soo beegantay wakhtigii kala guur ahaa ee aanay Golaha Cusub shaqada la wareejin, ayaa wakhtiga ay qabteen golaha cusub ayaa ku taariikhaysan 21. 08. 2021.
Soo celinta Madaxweynuhu soo celiyey Golaha ayaa waxa uu ku sababeeyey in ay jiraan a qodob Distuurka ka horimanaya oo ku jira xeerka.
