Shir soo dhoweyn ah oo loo sameeyey qurba joogta Xisbiga WADDANI ayuu ka hadlay Guddoomiyaha Xisbigu Mudane Cabdiraxmaa Maxamed Cabdillaahi Cirro. Waxaanu ka hadlay arrimo dhawra. Arrimaha ugu muhiimsan ee guddoomihu ka hadlaayey waxa ay ahayd wareejinta hoggaanka xisbiga iyadoo loo badinaayo in xisbiga uu guddoomiyihiisa la wareego mudane Xirsi Xaaji Xasan.
Waxaa muuqata in shacbigu u oomanyihiin is-bedel ayuu yidhi guddoomiyaha xisbiga waddani oo ka hadlaayey madal kulmisay qurba joogta taageerta Xisbiga WADDANI.
Guddoomiyaha Cabdiraxmaan Maxamed Cabdillaahi ayaa madasha ka sheegay in jagada guddoomiyenimada lagu tartami doono. Isaga oo hadalkiisa sii wata waxa uu yidhi, “Tani waxay muujinaysaa in xisbiga aanay cidi lahayn, waxay muujinaysaa in fursad la siiyo dhallinyarada iyo dadka kale ee xisbiga ku jira ee hanka leh”.
Ugu dabayntii, Xisbiga WADDANI ayaa qabsan doona shirweynihiisa Bishan aan ku jirno badhtankeeda iyada oo lagu dooran doono musharraxa madaxweyne ee doorashada inagu soo foolka leh, guddoomiyaha xisbiga, iyo xoghayaha guud.
